الثقة بالنفس عند الاطفال من اكتر الصفات الي هتأثر على طفلك وسلوكه وبناء شخصيته وفي المقال ده هنستعرض بالخطوات والاساليب ازاي تنمي ثقة طفلك بنفسه

ازاي ازرع في طفلي الثقة بالنفس :

تنمية الثقة بالنفس عند الاطفال شئ مهم عشان يكون في المستقبل شخصية ناجحة

1- تدريب الطفل علي تقبل شكله:

ثقه الطفل بنفسه مرتبطه بتصوره عن ذاته فلو الطفله كبر وهو مش متقبل شكله الخارجي هيكون ضعيف الشخصيه اجتماعيا عشان كده لازم تدربه على زياده ثقته بشكله عن طريق انك تفكره دائما بصفات مميزه وتتكلم عنها بطريقه تخليه يعجب بيها واتعلمه ان كل انسان جميل بصفاته بشكل مميز اللي بيميزوا عن غيره وكمان اكلت كلمه عن ربنا وانه خلقنا في احسن تقويم

2- تدرب طفلك انه يعبر عن رايه:

من اهم طرق زياده الثقه بالنفس عند الاطفال وهي ابداء الراي بمعنى انك تدربه ازاي يعبر عن رايه باسلوب مناسب وهي من اهم المهارات اللي لازم يتعلمها في سن صغير

عشان كده لازم تدي لطفلك حريه التعبير عن رايه في اي موضوع او في موقف معين وتسمعه باهتمام لانها من اهم الطرق اللي هتحسسه بالثقه بالنفس وانه يحس ان له رايه واهميه وتاثير

ودام ممكن تدربوا عليه من خلال انك تساله باستمرار عن رايه في مواضيع تخص الاسره وتكون مناسبه لسن وتساعده ازاي يختار القرار المناسب للموقف اللي بتساله فيه وكمان تعلموا ازاي يختار الوقت المناسب ليعبر فيه عن رايه

3- التدريب على الاعتماد على النفس :

وهي من افضل الطرق اللي ممكن تزود من ثقه الطفلك بنفسه لو اعتمد على نفسه في اداء مهام معينه.

عشان يكون طفلك معتمد على نفسه لازم تدربيه على مهمات بسيطه تناسب سنه عشان يحس بالثقه بالنفس ده مش معناه ان طفلك هيعمل كل حاجه لوحده لكن اختاري المهام المناسبه اللي يقدر ينفذها وبالتدريب عليها مره مع مره هيتعلم ازاي يكون معتمد على نفس.

مثلا اطلبي منه مهمات مناسبه لسنه زي انه يساعدك في ترتيب اوضته وازاي انه يحضر شنطه المدرسه كل يوم ويلبس لوحده وانه يقوم بالعنايه الشخصيه لنفسه بدون مساعده منك لان نجاحه في المهمات دي بيحسن مفهوم عن نفسه وقتها بيحس انه شخص كفء يقدر ينفذ حاجات كتير لوحده

4- علمي طفلك ازاي يختار:

بمعنى انك متجبريش طفلك على انه يختار شيء معين ولكن ساعديه ازاي يختار وفهميه ايه هي عواقب اي اختيار بيقوم بيه.

فمثلا تشجعي انه يختار هدومه بنفسه ونقشيه في اختياراته واشكري في ذوقه وفي طريقه اختياره معرفي ازاي يختار بين الشيء كويس والشيء اللي مش كويس.

5- تشجيع الطفل علي سلوكياته الجيدة:

دايما ابداعي طفلك بكلام ايجابي زي شاطر وبرافو لما يعمل حاجات صح لان ده هيحسسه ان شخص فعال وايجابي في الاسره وهيشجعه ويكرر السلوك الصح اكثر من مره

 6- تدريب الطفل على الثقافة العاطفية:

وهي انك تدي طفلك الاختيار والقدره على وصف شعورهم فعالاته لان ده هيعزز قدرته في التعبير عن مشاعره سواء كانت ايجابيه او سلبيه زي الغضب والفرح والحزن

ومع تعليموا انه يعبر عن انفعالاته لازم تعرفيه ازاي يعبر بيها بدون ما يجرح مشاعر الغير وتكون وازاي يختار الوقت المناسب للتعبير عن مشاعره بالطريقه المناسبه

7- تعليم الطفل الاعتذار:

تعليمك لطفلك ثقافه الاعتذار مرتبطه بقدره طفلك على تقبل الاخطاء والتصحيح من نفسه لان كل ما طفلك تقبل نفسه قال لي شعوره بالذنب وبالتالي هتزيد ثقته بنفسه

8- تجنب المثالية المفرطة:

لازم تعرفي ان حتى لو طفلك عارف الصحه والغلط لازم تتوقعي انه يغلط في وقت ما لان هي دي طبيعه البشر وانك تحسسيه بالذنب من ناحيه الغلط دايما بشكل مستمر هيحسسه بالذنب وفقته الثقه بنفسه وهيكون تركيزه على انه يتجنب الغلط بشكل مفرط من انه ينفذ الصح او هيتعلم العند ويكرر التصرف الغلط اكثر من مره

9- تدريب الطفل علي مواجهة التنمر:

التنمر من اكثر المواقف اللي ممكن تهدم ثقه طفلك بنفسه عشان كده لازم تدربيه باستمرار ازاي يواجه الموقف اللي زي كده وتدربيه ازاي يحمي نفسه من التنمر من خلال مجموعه خطوات :

مش هنقوله انت احلى ولد فالدنيا ونقول كلام مدح مستمر

ولا هنقوله يتنمر على الي بيتنمر عليه

لكن ممكن تحلي الموضوع بشكل سهل في خطوات محددة

إسألي طفلك عن تفاصيل الكلام و خليه يحس انك متقبلة مشاعره بتعاطف متزن لا زيادة ولا قليل

علميه انه لازم يرد بقوة على الشخص المتنمر بكلمات واضحة زي ابعد عني ، التزم حدودك ، شئ يخصني

ابدأي مثلي معه الموقف ومثلي انك الولد المتنمر والعكس عشان يتدرب طفلك مره مع مره على الرد

بلغيه ان لو تكرر الموقف ضروري يبلغ شخص مسؤول زي المدرس او الاخصائي