ازاي تأسسي طفلك في اللغة الانجليزية بأنشطة بسيطة

عشان تأسسي طفلك صح فالانجليزي لازم تعلميه بأنشطة تثبت في عقله الحروف وتعلميه ازاي يكون الكلمات بطريقة تفاعلية مينسهاش.

هتتعلمي انهارده من المقال ده ازاي تأسسي طفلك في الانجليزي بطرق وانشطة مختلفة زي الي بيتعمد عليها اخصائين تنمية المهارات عن طريق انك تستغلي جميع حواسه وتنشطيها اثناء التعليم من خلال صندوق الحروف انجليزي

1. هنبدأ باننا نعلم الطفل الحروف بشكل تفاعلي:

عشان يحفز عنده اكتر من حاسه (الرؤية واللمس والسمع )

1- هتطلبي من الطفل يردد صوت الحرف ( مش اسم الحرف عشان نأهله يقرأ الكلمات )

2- هتطلبي منه يحس الحرف ويلمسه بأصابعه في اتجاه الحرف الصحيح عشان يثبت اكتر فالذاكرة ايه هو شكل الحرف ويتعرف عليه تلقائيا بدون تفكير

2. تمرين ترتيب الكلمات:

1- هتختاري حروف كلمة معينة وتطلبي من طفلك ينطق الكلمة ويرددها اصوات الحروف ببطئ ويرتب الكلمة تان عشان نحفز عنده ذاكرة اصوات الحروف ويفتكر ترتيبها

2- ويجرب ينطق اكتر من مره اثناء الترتيب وبكده يكون طفلك اتعلم الحروف وتكوين الكلمات وطبق الي اتعلمه بنشاط

3. هنلعب بالكلمات زي البازل :

1- هتنطقي للطفل الكلمة وتوزعي الحروف قدامه يشكل عشوائي

2-وتطلبي منه ترتيب الكلمة صح بالطريقة دي هنكون حفزنا حواس الطفل ( رؤية ولمس وسمع ) عشان يتعرف على الكلمة ويفسر حروفها بمجرد انه يسمعها

3- وبالطريقة دي هيتعلم التهجئه بطريقة لعب ممتعة وبدون مجهود

وفي النهاية بالانشطة دي هتكوني حفزتي حواس طفلك باكتر من طريقة واتعلم اللغة العربية باكتر من نشاط ممتع تفاعلي سهل عمره ما ينساه