نوبات الغضب عند الأطفال هي أمر طبيعي وتعبر جزء من نموهم وتطورهم.
ولكن ممكن تكون النوبات دي محبطة ومزعجة لكل من الوالدين والطفل.
وعشان المشكلة دي في استراجيات مختلفة ممكن تتبعها الام عشان تساعد طفلها يتعامل مع المشاعر القوية زي الغضب وازاي يتحكم فيها.
ليه طفلك بيغضب ؟
قبل ما تعرفي ازاي تتعاملي مع الغضب مهم تفهمي ايه هي اسباب غضب الطفل لان ممكن يكون بسبب عوامل مختلفة كتير زي :
1.الإرهاق: سواء كان بسبب نقص النوم أو الإفراط في النشاط.الجوع والعطش: لما طفلك يكون جعان او عطشان مزاجه بيتغير بسهولة
2. التغيرات في الروتين: لو حس طفلك بالارتباك أو الغضب لو اتغير روتينه اليومي المعتاد.
3. عدم القدرة على التعبير عن الاحتياجات: لو طفلك معندوش القدرة على التعبير بسهولة عن الي بيحس بيه ده سبب كبير جدا ممكن يؤدي لنوبات غضب شديدة .
ازاي تتعاملي مع غضب طفلك قبل الدخول في نوبة الغضب؟
لو تعلم طفلك القواعد الصحيحة للتحكم في نفسه والغضب هتكون دي او خطوة تقلل من فرص نوبات الغضب والصراخ الهيستيري مع اي موقف بسيط
1.حددي ايه هو المقبول ايه هو الغير مقبول عند الغضب: هو ان توضحي لطفلك انه من الطبيعي يحس بالغضب ولكن من غير المقبول أن انه يكسر او يدمر حاجه حواليه
2.قدمي نموذج واضح للطفل لإدارة الغضب: وضحي لطفلك انك حاسة بالغصب بعد موقف معين ضايقك مثلا زي زحمة المواصلات واشرحيله انك بتدوري على حلول بديلة عشان تهدي من عصبيتك زي مثلا انك تنشغلي بعمل شئ تاني او في حالة خروج غضبك عن السيطرة اعتذري قدام طفلك عن الي قولتيه عشان تكوني نموذج يتعلم منه
3. تقديم عواقب التصرفات: ادي طفلك امتيازات إيجابية لافعاله لما يتبع قواعد إدارة الغضب وعرفيه ايه هو العقاب لو كسر او تخطى القواعد.
4.التعبير عن الاحتياجات : أحيانا بيكون سبب تصرف الطفل بعنف هو إحساسه بالحزن أو الاحراج عشان كده ترجمي له مشاعره وإحساسه عشان يفهم شعوره مثلا ( إنت زعلان علشان… إنت حاسس إنك مش محبوب علشان أصحابك.. انت حاسس بقلة الحيلة علشان مش عارف تتصرف في .. الخ).
5. تسمية المشاعر: ساعدي طفلك على تسمية مشاعره، وقولي له مثلاً “شايفة أنك غضبان عشان مجبتش اللعبة الي نفسك فيها وأكدي له أنه مفيش لوم عليه في أي شعور مهما كان، ولكنه مسئول عن تصرفاته.
6. تنظيم الانفعالات : علمي طفلك ازاي ينظم انفعالاته ويهدي نفسه ويحترم غيره.
طريقة إدارة الغضب عند الأطفال:
فكرة ان تقولي لطفلك ان يوقف غضبه فيوقف فساعتها فكرة خيالية او حتى لو اجبر نفسه على الكتمان ممكن ده يؤدي لمشاكل نفسية أكبر عشان كده علمي طفلك خطوات واضحة يوقف بيها غضبه بالتدريج
1- الخطوة الأولى: الانفصال :لة حس طفلك بأن شعوره بالغضب بيخرج عن سيطرته فمهم أن يتم فصله عن الشخص أو المؤثر الي بيثير أعصابه ويزود غضبه، وهنا لازم يتدخل شخص وياخذ الطفل لغرفة تانية لشوية وقت.
2- الخطوة الثانية: الهدوء:هو ان يتعلم طفلك طرق تهديه بسرعة مثلا زي التنفس بعمق أو شرب المياة أو يشتت انتباهه ويصرف نفسه عن التفكير بانه يسمع شى يحبه أو يقرأ قصة أو يلعب لوحده
3- الخطوة الثالثة: التفكير:بعد ما يهدى طفلك من العياط علميه ان يبدأ يسأل نفسه ( انا عايز اعمل ايه دلوقتي ؟! ) وفي نفس الوقت تأكدي عليه ان الانتقام او العنف مش حل اطلاقا وقد ممكن ميمحيش اثر الشئ الي ضايقه من الطفل التاني ولكن ممكن يفكر بطريقة يحل بيها المشكلة دي أو يرفع الأذى الي حصله.
4- الخطوة الرابعة: التركيز على مشاعر الآخرين: الاطفال بتدرك قيم التعاطف والشفقة بداية من عمر 3 سنين وقتها بيتعلموا ازاي يفهموا مشاعر غيرهم ووجهة نظرهم وانه يحاول يفكر الطرف التاني مش فاهم وجهة نظره؟! وايه الحلول المقترحة عشان يشرح وجهة نظره بشكل اوضح ؟!
5- الخطوة الخامسة: البحث عن حلول معقولة:ساعدي طفلك على التفكير في ما هو أبعد من الموقف الحالي يعني تحاولي توصلي لحل وسط يرضي الطرفين وممكن الاتفاق عليه والاعتذار لو كان كافي للطرف الآخر.
لازم يدرك طفلك أهمية تعلم إدارة غضبه والتحكم فيه والسيطرة عليه ولازم نتعلم كأولياء امور أنه مش سهل أو الهين ان الطفل يتحكم في نفسه عشان كده لازم تعلمي اولادك بالصبر ازاي يتحكموا في غضبهم بطرق مختلفة
