الحساب مادة صعبة لو طفلك متعلمهاش بامثلة واضحة من البداية
مثلا ممكن طفلك مش فاهم معاني الارقام يعني مش فاهم ليه ال 7 اكبر من ال 4 ؟!
وليه فالجمع الارقام بتزيد والطرح الارقام بتنقص ؟
الاسئلة دي ممكن تكون في دماغ الطفل لكن مش عارف يعبر عنها فالبتالي لما بتطلب منه ينفذ عملية حسابية زي الجمع مش بيعرف او بينسى ان الجمع انه هيجمع الرقمين ببعض والناتج رقم اكبر
》عشان نجاوب على اسئلة الطفل دي محتاجه تشرحي لطفلك الارقام والعمليات الحسابية بأمثلة من خلال صندوق العمليات الحسابية
في الخطوات الجاية هتتعرفي ازاي تنفذي انشطة مختلفة لطفلك لفهم الحساب.
1. تعلم تسلسل وقيمة الارقام :
• ان طفلك يكون حافظ اغنية الارقام مش معناه انه يعرف تسلسلها فعلا
• ان طفلك يكون حافظ اغنية الارقام مش معناه انه يعرف تسلسلها فعلا عشان يربط الطفل بين الرقم واسمه وشكله محتاج انه يتعرف على قيمة الرقم
1- هترتبي الارقام من 1 ل 10 وهتحطي تحت كل رقم عدد قواشيط الرقم
2- تحاولي تدربي طفلك بالاشارة للارقام ونطقها بالترتيب اكتر من مره
3- هتبدأي تختاري رقم معين مثلا رقم 3 وتقوليله الرقم ده كان موجود قدامه كام من القواشيط؟
4- عشان تتأكدي من انه ربط قيمة الرقم بشكله هترتبي قدام الطفل اعداد مختلفة من القواشيط
5-اطلبي منه يتعرف على شكل الرقم ويحط الرقم الصح قصاد كل مجموعة
2. الجمع :
1- عشان يتعرف طفلك على الجمع هنختار مثلا 2 + 3
2- هتطلبي منه يطلع ناتج الجمع بانه يزود عدد القواشيط ال 2 و ال 3 بعد علامة = وبعد ما يعد ال 5 قواشيط
3- هنطلب منه يطلع شكل الرقم الي بيعبر عن عدد القواشيط
3. الطرح :
1- عشان يتعرف على الطرح هنختار مثلا 8 – 5
2- بعدها هتقولي للطفل يعبر عن الرقم الاول 8 بالقواشيط
3- اطلبي من طفلك يعبر عن رقم 5 بأنه يسحب من القواشيط الخاصة برقم 8 وبكده هيكون تحت رقم 8 عدد 3 قواشيط
• يعني هيكون خرج الناتج بطريقة عملية
4. الضرب :
•عشان الضرب عمره ما كان حفظ طفلك بيكون محتاج يفهم هنرتب الارقام تسلسلي بشكل افقي ورأسي وهنطلب منه مثلا ضرب 3 × 4
1- هتطلبي منه يعد بالقواشيط بشكل رأسي بداية من رقم 1 لحد رقم 3 و يكرر العملية لحد رقم 4 الي موجود في الخانة الافقية
2- اطلبي منه يعد عدد القواشيط وهو 12
•وهنا هيكون وصل للناتج واتعرف على معنى الضرب بطريقة بسيطة ممكن يضرب بيها اي رقمين حتى لو مكنش حافظ جدول الضرب هيعرف يوصل للناتج
5.القسمة :
1- هترتبي الارقام بشكل افقي ورأسي وهيكون الارقام الافقية هي العدد الي هنقسم عليه والارقام الرأسية هي الي هنعرف منها ناتج القسمة مثلا
2- هنقسم 6 ÷ 3هنجهز الاول الرقم المقسوم عليه
3- هتطلبي من طفلك يزود فوق الارقام الافقية عدد 3 من القواشيط يعني قشاط واحد فوق كل رقم من 1 ل 3
3- يبدأ طفلك يقسم عدد ال 6 قواشيط بالتساوي تحت الارقام الي فوقيها قواشيط بس
4- هيظهر ايه هو الرقم الي وقف عنده في الصف الرأسي وهو رقم 2
بعد تطبيق كل الأنشطة هيكون طفلك اتعلم الحساب عن طريق الفهم لكل تفاصيل العمليات الحسابية وبطريقة سهلة وبسيطة
