مش معنى ان طفلك مش عارف يحفظ الحروف او يكون الكلمات ان قدراته ضعيفة!!
》الفكرة كلها ان طريقة الورقة والقلم مش مناسبة لان بيكون مخه لازم يتعرف على كل حاجه بطريقة حسية ملموسة
بمعنى انه يتعرف على الحرف بأكتر من حاسه متبقاش بحاسة الرؤية بس بأنه يشوف الحرف مكتوب فقط
لو الحرف مجسم قدام طفلك ساعتها بيكون اسهل انه يتعرف عليه ويلمسه وبكده نكون شغلنا حاسه الرؤية مع حاسة اللمس وهي دي الطريقة الي بيعتمد عليها اخصائي تنمية المهارات
تعالي اقولك ازاي تنفذي الانشطة الحسية دي بصندوق الحروف عربي
- التعرف على الحروف :
1- هنبدأ باننا نعلم الطفل الحروف بشكل تفاعلي عشان يحفز عنده اكتر من حاسه ( الرؤية واللمس )
2- هتطلبي من طفلك يغمض عينه ونحط في ايده الحرف
3- ويحاول يمسك الحرف ويتعرف عليه منغير ما يشوف عشان يثبت اكتر فالذاكرة ايه هو شكل الحرف ويتعرف عليه تلقائيا بدون تفكير
2. تغيير ترتيب الكلمة
1- غيري ترتيب الكلمة واطلبي منه يرتبها تاني
2- عشان تحفزي عنده الذاكرة ويفتكر ترتيب الحروف ويجرب ينطق اكتر من مره وهو بيرتب الحروف
• وبكده يكون طفلك اتعلم الحروف وتكوين الكلمات وطبق الي اتعلمه بنشاط
3. هنلعب بالكلمات زي البازل
1- هتقولي للطفل الكلمة وتوزعي الحروف قدامه يشكل عشوائي
2- وتطلبي منه يرتب الكلمة صح بالطريقة دي هنكون حفزنا حواس الطفل ( رؤية ولمس وسمع )
• عشان يتعرف على الكلمة ويفسر حروفها بمجرد انه يسمعها وبالطريقة دي هيتعلم التهجئه بطريقة لعب ممتعة وبدون مجهود
4. تحليل الكلمة إلى مقاطع صوتية :
1- يعني تكوني الكلمة وتطلبي من الطفل تقسيمها الي مقاطع زي كلمة تفاحة
2- عشان نمكن الطفل من تهجئة الكلمات ويتعلم يعني ايه تشكيل الحروف مثلا ( ت فا حة )
3- هتطلبي منه ينطقها بشكل متقطع وتقوليله يختار التشكيل المناسب لكل حرف بينطقه
4- وبكده هيكون اتعلم ازاي يكون الكلمة ويشكل الحروف صح
●وبالانشطة دي هتكوني حفزتي حواس طفلك باكتر من طريقة واتعلم اللغة العربية باكتر من نشاط ممتع تفاعلي سهل عمره ما ينساه
