ازاي تمنع طفلك عن السلوك العنيف او الضرب؟
ازاي تمنع طفلك عن السلوك العنيف او الضرب؟
الاطفال بيمروا بمراحل تطورها مختلفة بتحتاج من الاب والام تفاهم لسلوكهم اللي بيكون احيانا عدواني زي ضرب الاخوات او زمايلهم في الفصل وهو سلوك غير سوي ولكنه مش معناه بالضرورة ان الطفل سيء او عنيف بس ممكن تكون وسيله تعبير عن المشاعر او رغبات معينة وفي المقال ده هنتعرف على ايه الاسباب يمكن تؤدي للسلوك ده وازاى نتعامل معاه بطريقه فعاله ومفيده
ليه الطفل بيضرب غيره؟
عشان نفهم السلوك العنيف ده لازم نعرف ايه الاسباب اللي بتدفع الطفل للتصرف ده.
1 .التعبير عن الإحباط :
لما الطفل ما يقدرش يعبر لما شرب الكلمات بيلجأ للضرب جوزين للتنفيذ عن غضبه واحباطه
مثلا ممكن يحس الاطفال بالإحباط لو ما اشتريتش اليوم اللعبه اللي عايزينها او لو حاسس ان اهله مش فاهمينه.
لان اطفال في المراحل العمريه الصغيره ما بيقدروش يعبروا عن مشاعرهم بطريقه صح
2 .البحث عن الإهتمام :
الطفل ممكن يضرب ويستخدم السلوك العنيف لكسب الانتباه لو حاسس انه محصلش على القدر الكافي من الاهتمام والرعاية
مثلا لما بيكون في طفل صغير واخد كل اهتمام الام ووقتها بيحاول الطفل الكبير انه يلفت نظرها باي طريقه حتى لو كانت سلبيه
الاطفال بيحسوا ان اي رد فعل حتى لو كان نتيجه سلوك سيء فهو افضل من التجاهل
3 .التقليد :
الاطفال بيتعلم من البيئة المحيطة عشان كده لو شافوا حد من الأسرة ومن الاهل استخدم العنف فبيعتبروه سلوك مقبول للتعامل بيه
مثلا لو شايف الطفل شخص من الاسرة بيصرخ او بيستخدم القوه هيفترض ان هي دي الطريقة الصحيحة للتعامل مع المشاكل
بالاضافه لبعض البرامج التلفزيون والالعاب الالكترونيه اللي بتاثر على فهمه للصح والغلط
4 .الشعور بالغيرة :
الغيره ممكن تكون سبب أساسي للعنف خاصه لو حس الطفل انه عايز يحصل على مزيد من الاهتمام او الحب.
ممكن تصرف الغيرة يظهر خاصة لو في طفل جديد لان الطفل الاكبر بيحس انه فقط مكانه
وبتزيد المشكله لو تم مقارنة الطفل بأخوه بطريقه تثير الغيره
5 .افتقاد مهارات حل المشكلات :
طفل اللي ما يعرفش ازاي يتعامل مع الخلافات يلجأ للضرب لانه ببساطه ما يعرفش اي طريقه تانيه هيقدر ياخد بيها حقه
مثلا لو حد من زمايله او اخواته اخذ منه لعبته وهو ما يعرفش يطلبها بطريقه صح هيلجا انه يضربه عشان ياخدها
كيف تتعامل مع الطفل الذي يضرب؟
التعامل مع السلوك العنيف بيحتاج للصبر وتفاهم والحزم في نفس الوقت عشان تعرف تتحكم في سلوك طفلك بدون ما تجرح مشاعره او تأذيه نفسيا
1. فهم السبب وراء السلوك :
بدل ما تركز على الفعل حاول تفهم السبب اللي بيدفع الطفل انه يتصرف التصرف العنيف
راقب المواقف اللي بتكرر فيها السلوك هل بيحصل وقت اللعب هل بيحصل عند الشعور بالإرهاق
اسال طفله بهدوء ليه عملت كده ممكن تكون الاجابه واضحه لان مجرد سؤالك بيساعده وهو يفكر بشكل اهدى
2. علمه التعبير عن مشاعره :
الاطفال دايما بيحتاجوا ان هم يتعلموا ازاي يعبرهم مشاعرهم بالكلمات بدل من الافعال
استخدم كلمات بسيطة تساعد طفلك على وصفه مشاعره زي أنا غضبان انا حزين
حاول تساعده يتصرف لو لو كنت غضبان ان اخوك اخذ لعبتك ممكن تقول له من فضلك انا عايزها دلوقتي
3. ضع قواعد واضحة :
- الطفل في سن صغير بيحتاج دايما ان يعرفك السلوك زي ان الضرب غير مقبول
- اتكلم مع طفلك بحزم ولكن بهدوء واقول له ما ينفعش تضرب غيرك لان الضرب سلوك مؤذي وغير مقبول
- حدد العواقب واضحه لو استمر في السلوك العنيف زي التقليل من وقت اللعب او مشاهده التلفزيون
- اتفق مع طفلك على عواقب واضحة إذا استمر في السلوك، زي تقليل وقت اللعب أو مشاهدة التلفاز.
- التزم دايما التطبيق قواعد اللي اتفقت معاه عليها لان التهاون بيحسس طفلك انه ممكن يتجاوز الحدود
- عزز السلوك الإيجابي بالتركيز على السلوك الجيد لانه بيساعد طفلك انه يقلل من السلوك السلبي عشان يسمع كلام حلو منك دايما
ازاي تعمل ده؟
- امدح طفلك دايما لما يتصرف بطريقه صح وساعدي من كلمات انا مبسوطه انك طلبت لعبتك بطريقه مؤدبه زي ما اتفقنا
- استخدم المكافآت كوسيلة للتحفيز ازاي تقديم وقت إضافي للعب.
- ازاي يتفاعل مع غيره بطريقه لطيفه من خلال الألعاب الجماعية
4 .تجنب العقاب البدني لأنه بيخلي طفلك يفكر ان العنف وهو وسيلة مقبولة لحل المشاكل
بدائل للتأديب :
- استخدم أسلوب العزل المؤقت (Time-out): أطلب من الطفل انه يروح لمكان هادي عشان يتمالك اعصابه.
- اشرح لطفلك السبب ورا العقاب بطريقة تناسب سنه زي : انت دلوقتي مش هتلعب لانك ضربت اخوك وده غلط
- قدم اختيارات إيجابية عشان يحس بالسيطرة: “هل عايز تعتذر دلوقتي ولا كمان شوية؟”.
كيف تعلم طفلك مهارات حل المشكلات؟
- علم طفلك ان في طرق كتير لحل المشكلات من غير ما يلجأ للسلوك العنيف وبتكون طرق اسهل يوصل بيها للي عايزه
- شاركه في تمثيل مواقف حياتية تساعده على التفكير بحلول سلمية: “هتتصرف ازاي لو حد من زمايلك اخد قلمك؟”.
- شجعه على طلب المساعدة من شخص بالغ إذا واجه صعوبة في التعامل مع موقف معين.
- قدم له نصائح عملية: “إذا كنت غاضبًا، خذ نفسًا عميقًا وعد إلى عشرة قبل أن تتصرف”.
في النهاية ضرب الطفل لإخواته أو زمايله ممكن يكون مؤشر على احتياجه للدعم والتوجيه، بدل من التركيز على العقاب حاول تفهم الأسباب وتعالجها بطريقة إيجابية تساعده على تطوير مهاراته الاجتماعية، وبالصبر والتواصل الجيد هتتمكن من انك تعلم طفلك ازاي يكون شخص متزن يقدر يحل مشكلاته بطرق سلمية.
اقري عن : ازاي اعلم طفلي الأعتماد على النفس
