التبول اللاإرادى عند الاطفال من اكتر المشاكل الي ممكن تحسي ان حلها صعب بسبب ان طفلك بيعاني منها فترة طويلة
لكن لو عرفتي السبب هتساعدي طفلك يتغلب على المشكلة دي بشكل اسرع
اسباب التبول اللاإرادي :
بتعتمد عملية الاخراج عند الاطفال على النضج الجسدي والقدرة على التحكم في الجسم
والنضج العقلي عشان يستوعب عملية التعلم والتدريب وبيختلف السن الي يقدر يتحكم فيه الطفل في نفسه من طفل للتاني ومن ولد لبنت ممكن حد يسبق بدون اسباب وبيكون قدر انه يتحكم في نفسه اسرع
أنواع التبول اللإرادي :
1- تبول لاإرادي أولي ( ليلي ، نهاري)
ان الطفل بيعاني منه من وهو صغير
2- تبول لاإرادي ثانوي ( ليلي ، نهاري)
لما يكون طفلك متعود يتحكم في نفسه وفجأة يفقد القدرة دي لمدة 6 شهور على الاقل
أسباب التبول اللا إرادي :
أ- الأسباب العضوية:
1- صِغر حجم مثانة الطفل :
بتكون مثانة صغيرة مش بتتحمل الكمية المنتجة من البول
2- عدم قدرة طفلك على الشعور بأن المثانة ممتلئة:
ممكن يكون العصب المتحكم في المثانة بطيئ فمش بيرسل اشارة تحسس طفلك انه محتاج الحمام
او مش بيصحى لو في حالة النوم .
3- اختلال التوازن الهرمونى:
ضعف هرمون ( ADH ) في مرحلة الطفولة المسؤول عن ابطاء انتاج البول ليلا
4- عدوى المسالك البولية:
ممكن تصعب على طفلك التحكم في البول
او عدوى الجيوب الانفية او التهاب الحلق او الشخير
5- مرض السكرى:
ممكن يكون التبول بكثرة فجأة علامة على مرض السكري بسبب العطش المستمر
6- الإمساك المزمن.
ب- الأسباب النفسية:
1 – الضغط النفسى للطفل:
زي وجود اخ جديد في العيلة ، المشاكل الاسرية او الطلاق
3- تخويف الطفل :
تخويف الطفل بشكل مستمر من العقاب او من الضرب او من الضلمة والعفاريت أو مشاهدة الأفلام المرعبة والكوابيس المزعجة بسبب الخوف الي بيتعرضله الطفل
التدريب على استخدام الحمام:
- روتين نوم منتظم: حاولي انك تدخلي طفلك الحمام في اوقات منتظمة حتى اثناء النوم بشكل مستمر كل يوم
- التدريب على التبول قبل النوم: دربي طفلك ان لازم يدخل الحمام قبل النوم مباشرة.
- تحديد كمية السوائل: قللي من كمية السوائل قبل النوم بساعتين او تلاتة.
- مكافأت إيجابية: قدمي لطفلك مكافأت مادية لما يعدي الليل بدون مشكلة.
- تجنب العقاب: العقاب مش هيحل المشكلة لكن هتزودها اكتر بسبب توتر الطفل.
