طريقة التعامل طفل ال ADHD ممكن تزود او تقلل من حدة أعراض الاضطراب
بمعنى لو كانت الام بتتعامل مع الطفل دون فهم او تقدير لاحتياجاته النفسية والعقلية هتأثر على حياة الطفل بالاسوء بشكل اكبر
لان اضطراب نقص الانتباه وفرط الحركة ممكن يأثر على جميع جوانب حياة الطفل ( تعليم ، مهارات اجتماعية ، مهارات عقلية ) لكن ممكن الام تتحكم وتقلل التأثير لو اتعاملت بطريقة صحيحة مع الطفل
اضطراب ال ADHD هو
قدرة مميزة بتخلي طفلك اكثر ذكاء وموهبة وهو امر طبيعي مش بيأثر على تفكير طفلك او ذكائه بشكل سلبي ولكنه بيحتاج ان طفلك يكون منظم اكتر في جميع جوانب حياته بداية من السلوكيات ، طريقة التعلم وغيرهم
1 . السلوكيات
● ممكن تظهر سلوكيات الطفل السلبية بشكل واضح لدرجة ان تكون أحيانا خارج السيطرة لكن ممكن يتحسن السلوك داخل البيت من خلال التحفيز والمكافآت بعد السلوكيات الايجابية
•حفزي طفلك بالكلام والتشجيع المعنوي وبدليها بالمحفزات المادية كل فترة عشان ميحسش طفلك بالملل
•تجاھلي السلوكيات الي بيطلب بيها الانتباه بشكل غير مستحب ولا متستجبيش إلا لما يتكلم بشكل مناسب لان التعليق بشكل مستمر على السلوكيات السلبیة بيحقق للطفل الي هو عايزه وهو جذب انتباهك
•استخدمي العقاب المناسب للسلوكیات السلبية وادي لطفلك اختيارات للعقاب مثلا لما يرفض يعمل الواجب خيريه بين انه مفيش تلفزيون او مش هيروح التمرين عشان يحس بالمسؤولية وان لكل خطأ متعمد عقاب
•ابعدي عن الضرب نهائيا حاولي تخلي العقاب فورا بعد السلوك السئ عشان يربط بين السلوك السلبي والعقاب وميتكررش مره تانية
2 .طريقة التعلم والواجبات المنزلية
•طفلك ذكي وموهوب لكن بس بيحتاج تنظيم الوقت والمتابعة عشان يظهر أفضل أداء دراسي عندهدايما تكون التعليمات مختصرة وواضحة عشان ينتبه الطفل لك
•قولي اسمه أو اضغط على كتفه بشكل خفيف وخليكي على تواصل بالعین وانتي بتقوليله معلومات او بتطلبي منه طلباسألي طفلك بعدها عن ايه الي فهمه من تعليماتك عشان تتأكده انه كان منتبه وفهم كلامك
•خصصي مكان هادي مفهوش مشتتات ويكون مكان ثابت للمذاكرة والدراسة حاولي دايما يكون مكان المذاكرة مترتب بقدر الإمكان
•نظمي جدول متفق عليه مع طفلك عشان تنظمي دراسة المواد المختلفة خصصي فترات راحه بين وقت المذاكرة مثلا 5 دقائق لكل 30 دقيقة
•خلي دايما مكان المذاكرة جذاب بأدوات مكتبية مختلفة ولكن لازم يكون مكان هادي خصصي وقت منتظم مجدول للواجب كل يوم
•خصصي اوقات يوميا للانشطة الحركية الي بيحبها طفلك عشان ميحسش بالملل وتديله فرصة اكبر لتفريغ طاقته
