“ماما أنا زعلان!”.. ازاي تتفهمي مشاعر طفلك وتتعاملي معها بطريقة صحيحة
كتير من الأمهات بيمروا بنفس المشكلة انها مش عارفه تتعامل مع طفلها بطريقة صحيحة خاصة مع نوبات الغضب
لكن في طرق بسيطة وفعالة للتواصل مع طفلك وفهم مشاعره لتبني علاقة قوية وسعيدة مع طفلك.
ليه بتحصل نوبات الغضب؟
الأطفال زي الكبار بيحسوا بالمشاعر مثل الغضب، الحزن، الفرح، الخوف… كل المشاعر جزء طبيعي من تطورهم ونموهم.
لكن المشكلة في أنهم معندهمش طرق كفاية تساعدهم يعبروا عن المشاعر دي بطريقة صح فبيلجأ عقلهم للتعبير عنها من خلال الصريخ و العياط ونوبات الغضب.
وحتى لو كان طفلك في سن صغير في حالة التعامل الغلط مع نوبات الغضب وقتها طفلك هيتأثر بطريقة سلبية
أخطاء شائعة ترتكبها الأمهات:
تجاهل المشاعر: لما يبدأ طفلك يعيط قد تحسي انك عايزاه يسكت بسرعة فتتجاهلي سبب عياطه وده وقتها بيحسسه بأن مشاعره مش مهمة.
الصراخ والتهديد: احيانا بسبب الضغوط ممكن تتعصبي او تزعقي لطفلك او تهدديه بالعقاب المبالغ فيه لانك بتفكري ان الطريقة دي هتخليه يوقف عياط اسرع لكن التصرف ده بيزيد الأمور سوء ويخلي طفلك يحس بالخوف وعدم الأمان.
المقارنة: مقارنة طفلك بأطفال غيره بيحسسه بالدونية ويقلل من ثقته بنفسه.
كيف اتعامل مع نوبات الغضب بطريقة صحيحة؟
الهدوء أولا: لما يبدأ طفلك في يعيط أو يصرخ حاولي تحافظي على هدوئك لان العصبية من الطرفين هتخلي الموقف اصعب وحاولي تفهمي الي حاسس بيه.
الاستماع الفعال: اقعدي جمب طفلك وبصيله في عينيه اسمعيه بهدوء وانتبهي لكلامه حتى لو كان بيتكلم بلغة مش مفهومة لان الطريقة دي يحس انك مهتمة بيه ومشاعره.
تسمية المشاعر: ساعدي طفلك على تسمية مشاعره قولي له: انا حاسه بيك أنك غضبان مجبتش اللعبة على اللعبة الي نفسك فيها لان الطريقة هتساعد طفلك على فهم مشاعره ويعبر عنها ويتعامل معاها بشكل أفضل.
تحويل الانتباه: لو كان طفلك متضايق بسبب رفضك لطلب منه حاولي تحويل انتباهه لحاجه تانية ممتعة زي قراءة القصص أو انك تلعبي معاه لعبة بسيطة.
الاحتضان: حضنك لطفلك بيحسسه بالأمان والحب ويساعده على يهدي نفسه.
افتكري دايما أنتي افضل أم لطفلك وكل الي محتاجاه هو الصبر والحب والفهم.
