طرق التعامل مع المشكلات الانفعالية عند المراهقين
طرق التعامل مع المشكلات الانفعالية عند المراهقين أمر حساس ومهم جدًا لأنه يؤثر على تطورهم الشخصي والاجتماعي. فترة المراهقة مليئة بالتغيرات الجسدية والنفسية،
مما قد يؤدي إلى تقلبات انفعالية وصراعات داخلية كثيرة، وهذا طبيعي. لكن، عندما يواجه المراهقون صعوبة في التعامل مع هذه المشاعر، يمكن أن يتحول الأمر إلى مشكلات أكثر عمقًا تؤثر على حياتهم بشكل سلبي.
ليه التعامل مع المراهقين صعب ؟
لان في نظامين مهمين في مخ المراهق مش بيوصلوا للنضوج في نفس الوقت
نظام ينضج عند البلوغ: وهو النظام المسؤول عن السعي وراء المكافآت والفوائد الواضحة (مثل الحصول على شعبية بين الأصدقاء)، والإثارة (مثل كسر وخرق القواعد).
ونظام بينضج في نص العشرينات: وهو النظام المسؤول عن ضبط النفس.
ليه دايما المراهقين في حالة تمرد مستمر ؟
- التغيرات الهرمونية : بيكون ليها دور كبير في التأثير على مزاج المراهقين وممكن بيدخلوا في حالات اكتئابية بسيطة او قلق با
- مشاكل المدرسة : وقت المراهقه ممكن يعرضوا نفسهم لمشاكل في المدرسة او يكون في مشاكل بتكون صعب تقبلها زي الرفض او ان اصحابهم يبعدوا عنهم او التعرض للتنمر
- عدم القدرة على التعبير عن مخاوفهم : لان المراهقين ممكن يتعرضوا لمشاكل كبيرة يخافوا من حكم الاهل عليهم او معاقبتهم وفي الوقت ده ممكن تسمعي جملة ” انتوا متعرفوش انا حاسس بأيه او انتوا متعرفوش حاجه عني “
عشان كده لازم تسمعي المراهق بشكل جاد جدا
1 . اختر لحظة يكون فيها أولادك في حالة مزاجية جيدة، واطلب منهم أن يخبروك عن شيء حدث خلال يومهم:
2 . اسمعي بدون تعليقات لغاية لما يخلص كلام لان التعليقات السلبية ممكن تخليه ميحكيش كل حاجه
3 . استخدمي كلام زي حاسس بأيه دلوقتي ، بتفكر تتصرف ازاي لان ده هيديكي فرصة اكبر تعرفي طفلك بيفكر ازاي سواء صح او غلط
طرق التعامل مع المشكلات الانفعالية عند المراهقين؟
تعملي ايه لو حاسه ان اولادك بيتجاهلوا كلامك بشكل مستمر ؟
لما يخالفوا كلام كنتوا متفقين عليه قبل كده
عبري عن مشاعرك الي بتحسي بيها بسبب التجاهل مش بتوجيه اللوم
زي ” انا بتضايق لما تعمل كذا … ، هكون مبسوطة لو عملت كذا … ”
واستخدمي العواقب بدل العقاب
العواقب هي الحاجات الي هتحصل معاهم بسبب تصرفاتهم في المستقبل وادراكهم ليها بيساعدهم يتحملوا المسؤولية اكتر.
أنواع العواقب:
- عواقب تلقائية : العواقب الي مش بيتدخل فيها الاب والام وبتكون نتيجة طبيعية لسلوك اولادهم.
- مثال: “لو مغسلتش هدومك مش هتلاقي حاجه تلبسها لما تنزل “
- عواقب منطقية: هي العواقب الي بتحصل نتيجة سلوك معين زي عدم الالتزام بالقواعد
مثلا: “لو رجعوالبيت متأخر مش هيكون في خروج اخر الاسبوع ”
لو حصل شئ كنتي محذرة منه طبقي العواقب بشكل فوري.
مع مراعاة ان العواقب ميكونش فيها اي عقاب جسدي
لو حاسه حد من اولادك بيداري او مخبي عنك حاجه ازاي تساعديهم يتكلموا ؟
- شاركي تجربتك والي اتعلمتيه : بمعنى لو شاكه في مشكلة معينة اختاري وقت في اليوم واحكي موقف مشابه مريتي بيه قبل كده وانك اتكلمتي مع حد كبير وكان الموضوع بيساعدك فعلا تتخطي المشكلة
- ابتعدي عن المثالية: اتكلمي دايما ان العادي ان الانسان يغلط وانك كنتي بتغلطي في وقت ما وبتتعلمي من غلطك وانك قدام هتغلطي ودي طبيعة الانسان المهم التعلم من الاخطاء واسألي اولادك كانوا هيعملوا ايه لو كانوا مكانك بحيث تتعرفي اكتر على تفكيرهم وتحسي في مشكلة ولا لا واتناقشي بدون احكام
- حافظي على روتين المشاركة: خلي في وقت عادة يومية مع اولادك تشاركيهم الكلام في مواضيع عامة وتديهم مساحة يعبروا عن نفسهم ورأيهم
