العند في المراهقة: نصائح للتعامل مع عناد الأبناء المراهقين
المراهقة هي المرحلة اللي بيتحول فيها الاطفال من الطفولة الى النضج عشان كده هي مرحله كلها تحديات اهمها العناد وممكن تكون الصفه دي مزعجه لكنها جزء طبيعي من النمو واكتشافهم لنفسهم وللعالم وفي المقال ده هنتكلم عن اسباب العناد للمراهقين وازاي نتعامل معاه بشكل صحيح يحق يحقق التوازن من الحزم والاحتواء
أسباب عناد المراهقين: ليه المراهقين متمردين؟
بتظهر سلوكيات عناد عند المراهقين لاسباب نفسية واجتماعية لانهم دايما بيحاولوا يثبتهم نفسهم واستقلاليتهم ممكن يكون العناد كوسيلة للدفاع عن حقوقهم او التعبير عن رفضهم لشيء معينه زي
الرغبة في الاستقلالية :
لان المراهق دايما عايز يحس ان هو المسؤول عن قراراته وهو اللي بيحدد مستقبله بنفسه
الضغوط الاجتماعية :
تاثير الصحاب والمجتمع وضغطهم على اتجاه معين ممكن يزود تمسكهم بقرارهم اكتر بشكل عنيد
التغيرات الهرمونيه في مرحله المراهقه بتغير كل شيء في جسم الطفل عشان يدخل مرحله المراهقه وده بياثر على مزاجهم وانفعالاتهم بشكل شديد
سوء التواصل مع الاهل غياب الحوار مع الاهل بيدفع المراهق للعناد اكتر كرد فعل على شعوره ان محدش بيفهمه ومحدش مقدر مشاعره
كيفية التعامل مع عناد المراهقين؟
عشان تتعامل مع عناد ابنك المراهق تحتاج للصبر والحكمه والدقة في اسلوب التربية ودي بعض الخطوات اللي ممكن تساعدك
1. تفهّم طبيعة المرحلة
اعرف ان العناد جزء طبيعي من مرحله المراهقه وان مش بالضروره مؤشره قله الاحترام او التمرد لكنه صفه تتسم بها المرحله دي
- ما تاخدش العناد بشكل شخصي وتظن ان طفلك حابب يكسر كلامك
- افتكر دايما انها مرحلة ضبابية في حياة المراهق لأنه بيكون لسه بيدور على هويته
- حاول تشوف الامور من وجهه نظره وشوف ايه هي اللي بيحكم عليها عشان ياخذ اي موقف
2. حافظ على هدوئك
الهدوء هو اول خطوة عشان تحل بيها اي موقف صعب بيواجهك مع المراهق لانه بيحتاج دايما لحوار مناقشه عشان يغير أفكاره
- وقت الاختلاف ابعد عن رفع الصوت او التصرف بانفعال
- استخدم لغة الجسد مطمئنة وما تحاولش تهدد ابنك بشكل او باخر لان ده بيدفعه للعناد اكتر
- ادي نفسك وقت للتفكير قبل الرد على اي موقف عشان توصل لرد مناسب يقنع ابنك بدون جدال طويل
3. استمع أكثر مما تتحدث
مراه وقت المشاكل بتكون دايما حجته انه مش مسموع ومش مفهوم وانه عشان كده بياخد قراراته من نفسه بدون ما يرجع لاي حد
- اساله دايما عن وجهه نظره واسمعوا للاخر بدون مقاطعه عشان تعرفي كل اللي بيدور في دماغه ما ترد عليه.
- اتجنب اطلاق الاحكام السريعه زي انك تقول له انت بتتهرب من المذاكره او تقول له انت عايز تكون فاشل.
4. اعطي مساحة للاستقلالية :
اسمح للمراهق بانه ياخد قرارات بسيطه عشان يحس بالمسؤولية ويحس انه شخص فعال في الأسرة وان دوره مهم
اديله الحرية في اختيار ملابسه وانه يرتب غرفته بالشكل اللي يحبه
اسمحله دايما يعبر عن رأيه بحرية بحريه ولكن بالتزام الحدود والادب عشان يكون الحوار فعال ويكون نتيجته كويسه
أهمية الحوار في كسر حاجز العناد .. كيف تبني حوار فعال ؟
الحوار المفتوح هو المفتاح لبناء جسر التواصل مع المراهق، لو حس الابن أن والديه مهتمين برأيه، هيكون أكثر تقبلاً للنقاش.
- اختار الوقت المناسب للنقاش بعيدا عن أوقات التوتر والشد والجذب مع طفلك .
- استخدم أسلوب النقاش الهادي بدل من فرض الأوامر.
- خليك حريص ان تكون رسالتك لابنك واضحة وغير عدائية.
تجنب الأخطاء الشائعة مع المراهقين
بعض الأخطاء الغير مقصودة ممكن تزود من عناد ابنك المراهق بدل من انها تهديه
- كثرة الانتقاد: الانتقاد المستمر بيحسس ابنك بأنه غير مقبول.
- التهديد أو العقاب الشديد: بيزيد من مقاومته ويدفعه للتمرد والعناد اكتر
- المقارنة بالآخرين: بتزود من شعوره بالدونية وتزود من إحباطه.
تشجيع السلوك الإيجابي عند المراهقين:
بدل من التركيز على العناد، دور على السلوكيات الإيجابية وشجعها.
- امدح المراهق لما يتصرف بطريقة ناضجة او لو اتصرف حسب ما اتفقتوا على موضوع معين.
- قدم مكافآت صغيرة لما الالتزام بالقواعد.
- ركز على نقاط القوة عنده وساعده على تطويرها.
التعامل مع المراهق العنيد بيحتاج فهم أعمق لاحتياجاته النفسية والاجتماعية، بدل من اعتبار العناد مشكلة، حاول أنك تشوفه فرصة لبناء علاقة قوية مع ابنك أو ابنتك المراهقة. بالصبر، الحوار الفعّال، وتقديم الدعم، هتتمكن من تخطي المرحلة دي بنجاح، وتحويل تحدياتها إلى فرص للتواصل والتفاهم.
