السرقة عند الأطفال : الأسباب، التأثيرات، وكيفية التعامل معها بحكمة
السرقة عند الأطفال : الأسباب، التأثيرات، وكيفية التعامل معها بحكمة؟
انك تتبلغي من المدرسة او من قرايبك ان طفلك سرق ده من اصعب المواقف ممكن تتعرضيله في حياتك
لانك وقتها بتتشتي وتسألي نفسك هل انا مربتش كفاية ؟ انا قصرت في ايه ؟ ياترى جاب منين فكرة السرقة؟
ولما متلاقيش اجابة للاسئلة دي ممكن تتعصبي على طفلك وتعاقبيه بشكل مبالغ فيه
وكل ده ممكن يلهيكي عن الاسباب الحقيقية الي ورا السلوك ده
وفي المقال ده هنعرف ايه الاسباب اللي ممكن تدفع الطفل السلوك ده ازاي نتعامل معايا بشكل يساعد على تعديل السلوك وتربية طفل مسؤول وامين
ما هي أسباب السرقة عند الأطفال ؟
عشان تفهم ايه هي اسباب السرقة لازم تشوف الدوافع النفسيه والاجتماعيه اللي بتخليه يتصرف في السلوك ده لان السرقه ممكن تكون علامة لوجود مشكله تانيه محتاجه معالجه او ممكن تكون سلوك غير واعي ناتج عن عدم معرفة
1. عدم فهم مفهوم الملكية:
الاطفال في سن صغير ممكن مايعرفوش معنى ان في حدود لممتلكاته وممتلكات غيره ولو ما يعرفش المفهوم ده وقتها بيشوف ان كل ما يعجبه حاجه ممكن ياخدها بدون استئذان
مثلا : ممكن طفل ياخد لعبه من صاحبه في الحضانه لمجرد انه عجبه شكلها وصاحبه مش راضي يلعب معاه بيها
الحل: لازم تعلم طفلك مفهوم الملكيه من سن صغير من خلال انك تشرحله مثال بسيط بانك تجرب تاخد منه لعبه بتاعته وتساله هل انت زعلان ان انا اخذتها من غير ما استاذن وقتها الطفل هيفهم شعور غيره لو اخد حاجته
2. الشعور بالنقص أو الحرمان:
ممكن يحس الطفل بانه اقل من زمايله لو ما عندوش نفس الالعاب او الملابس وده ممكن يدفعه للسرقه.
الحل: اتكلم مع طفلك وعرفوا انك متفهم مشاعره وحاول توفرله بدائل مناسبه وفقا لامكانياتك الماديه و تعلمه قيمه الرضا والقناعه.
3. البحث عن الاهتمام:
لو حس طفلك انه مهمل او غير محبوب ممكن يلجأ لتصرفات زي السرقه عشان يجذب انتباه الاب والام.
الحل: قضي وقت أطول مع طفلك واسمعه باهتمام واتكلم معاه باستمرار عن مواضيع مختلفه واساله عن مشاكله بشكل مستمر عشان ميدورش على اهتمامك بطريقه غلط
4. تأثير الأصدقاء أو البيئة:
الاطفال بيتأثروا بالبيئه المحيطه فلو كان اصحاب طفلك بيسرقوا او بيشجعوه على السرقه فممكن يقلدهم من باب رغبته في انه يكون مقبول في مجموعه صحاب جديده
الحل: اعرف دايرة علاقات طفلك واصحابه وعلمه ازاي يختار اصحاب كويسين تكون اخلاقهم زي اخلاقه .
5. الضغوط النفسية أو الأسرية:
المشاكل العائليه زي الخلافات الزوجيه او التوتر المالي ممكن تؤدي للتصرفات غير سوية ومنها السرقه
الحل: وفر لطفله بيئه اسريه مستقره وحاول تقلل من المشاكل اللي بتاثر بشكل سلبي على نفسيته
كيفية التعامل مع السرقة عند الأطفال :
لو اكتشفت ان طفلك بيسرق اهم خطوه في العلاج هو انك تستقبل المشكله بشكل صحيح وتتعامل مع الموقف بهدوء بدون توبيخ او بعقاب شديد
1. اتكلم معاه بهدوء :
ابدا بسؤال هادي مثلا اساله ممكن تقول لي ليه اخذت الشيء ده بدون إذن
اسمعه بدون مقاطعه او اتهامات بالسرقه عشان تتعرف على اسبابه وتعرف تحل اصل المشكله
2. توضيح السلوك الخاطئ:
وضح لطفلك ان السرقه بتأذي مشاعر غيره وأنها تصرف غير اخلاقي وغير مقبول.
استخدم أمثلة توضيحية من حياته عشان توضح له اثر السرقة على نفسية الغير وضررها على المجتمع
3. شجع طفلك على تحمل مسؤوليه غلطه:
ساعد طفلك انه يواجه الموقف ويرجع الشيء المسروق لصاحبه ويعتذر له عشان تكون علمته تحمل مسؤوليه و عواقب تصرفاته.
4. تعليمه القيم الأخلاقية:
قصص او الافلام اللي بتعزز فكره الامانه والصدق.
اشرحله اهميه الثقه بين الناس وازاي ممكن تاثر السرقة على العلاقات
5. مكافأة السلوك الإيجابي:
لما يبدأ طفلك يطلب الشيء بدل من ما يرضى بدون إذن انتهى التصرف ده واديله مكافأة بسيطة
طرق الوقاية من السرقة عند الأطفال
عشان تحمي طفلك من انه يفكر في سلوك السرقة هو انك تتبع اساليب التربيه الصحيحه وهي انك توفر طفلك بيئه تساعده على النمو بشكل صحي نفسيا واخلاقيا
نصائح للوقاية:
1. غرس القيم الأخلاقية مبكرًا:
علم طفلك اهمية الأمانة واحترام حول غير من خلال أمثلة عملية.
2. إشباع احتياجاته العاطفية والمادية:
اتاكد ان طفلك حاسس بالحب والاهتمام ومش حاسس بالحرمان وعدم الرضا لما بيقارن نفسه باصحابه
3. القدوة الحسنة:
خليك قدوه حسنة لطفلك في الصدق والامانه لان الاطفال بيتعلموا بالتقليد ومن تصرفات الكبار اكتر من كلامهم.
4. التواصل المستمر:
افتح مجالات للحوار مع طفلك وحسسه بالامان انه يتكلم عن اي مشكله في وجهها مع صحابه بدون توبيخ او لوم بشكل متكرر ومستمر عشان تعرف ايه الافكار اللي جوه دماغ طفلك وتعرفوا السلوك الصح والغلط قبل حدوث المشكله.
السرقة عند الأطفال مش بالضرورة علامة على سوء التربيه والاخلاق لكنها سلوك بيحتاج لفهم وتحليل والمفتاح هو التعامل مع الطفل بحكمه وصبر والتركيز على تعليم القيم الاخلاقيه بأنك تحسسه دايما بالحب والامان ومتنساش ان التربية عملية مستمرة وكل موقف صعب ممكن يكون فرصة لتقوية العلاقة مع طفلك وبناء شخصية مسؤوله وصادقه
اقري عن : تربية الطفل على طاعة الوالدين
