حاسس بايه-انامل

الانسان اللي فاهم مشاعره وقادر يتحكم في إنفعالاته هو اللي هيقدر يتحكم في تصرفاته وقراراته، وبالتالي هو اللي هيقدر يتحكم ويقرر مستقبله.

وعشان كده كتير من اختبارات الشغل في الشركات الإنترناشيونال دلوقتي بقت بتعتمد اكتر على اختبار الذكاء العاطفي للمتقدم للوظيفة.

ولأهمية تنمية الذكاء العاطفي عند أطفالنا وعشان نقدر نطلع طفل #واثق #مثابر #متعاطف عملنا كروت حاسس بإيه..

كروت حاسس بإيه هما ٣٤ كارت مصنوعين من ورق مقوى جدا يستحمل.

وش كل كارت فيه موقف مرسوم بيعبر عن شعور معين، واسم الشعور مكتوب بالعربي وبالانجليزي.

على ظهر الكروت فيه اقتراحات للطفل ازاي يتصرف بطريقه ايجابية في كل شعور مكتوبين بكلمات بسيطه بالعربي وبالانجليزي ومرسومين كمان عشان الصغيرين اللي لسه مابيعرفوش يقروا

الكروت هتزود عند الطفل مفردات لمشاعر ممكن ماكنش يعرف اسمها. يعني حاسس بيها ومش عارف اسمها فمش عارف يعبر عنها وبالتالي مكبوتة جواه وبتطلع في تصرفات غالبا بتكون سلبية، وهتساعده يفهم ويعرف اسم مشاعره عشان يعرف يعبر عنها لما يحسها

يوجد مع الكروت دليل لأولياء الأمور فيه كل التفاصيل

السن: من ٣ – ١٨ سنة وفيه ناس كبار استعملوها لنفسهم