ازاي اعلم طفلي الأعتماد على النفس
ازاي اعلم طفلي الأعتماد على النفس؟ سؤال بيشغل كل ام نفسها يكون طفلها معتمد على نفسه واكيد انتي بتحاولي تزرعي جوا طفلك المسؤولية من وهو فسن صغير ولكن ممكن متعرفيش امتى وازاي تعلميه مهارات الاعتماد على النفس وتطويرها
في المقال انهارده هنقدملك النصايح والخطوات الي هتعلم طفلك الاعتماد على النفس
امتى ممكن تعلمي طفلك يعتمد على نفسه ؟
- ممكن تبدأي تعلمي طفلك تحمل المسؤولية والاعتماد على النفس من الشهور الأولى من عمره
- عن طريق تعويده على أنشطة بسيطة خاصة بيه لوحده فبمجرد أنه يبدأ يقدر يتحكم في ايديه ويمسك اي حاجه بأيده
- ممكن وقتها تبدأي بتقديم الاكل له يحاول ياكلها لوحده وتعلميه ازاي يمسك كوباية المياه وزجاجة الرضاعة بأيديه وهكذا.
- ومع سن بداية المدرسة وتطور قدرات طفلك ابدأي اطلبي منه مهمات بسيطة مناسبة لسنه وقدراته
- عشان يدرك دوره واهمية مشاركته في البيت زي الكبار
- زي وضع الهدوم الغير نظيفة في سلة الغسيل وترتيب كل حاجه خاصة بيه زي انه يرجع ألعابه لمكانها بعد ما يخلص لعب .
ازاي اعلم طفلي الأعتماد على النفس؟
عشان تأهلي طفلك انه يكون معتمد على نفسه وينفذ الخطوات الي فاتت لازم تلتزمي بشوية تعليمات جانبية زي :
- الخطوات دي هتساعدك تطوري حس المسؤولية لطفلك وتعلميه الاعتماد على النفس في سن صغير
- امدحي أفعاله وليس شخصه: شجعيه يعمل مهمات بسيطة وامدحي مجهوده ومحاولاته مهما كانت النتيجة، وامدحي أفعاله مش تمدحيه بشكل عام يعني متقوليش : “أنت ولد شاطر” الاحسن تقوليله: “انت عملت مهتمك انهارده بكل شطارة”، فبكده تشجعيه وتحفزينه بدون مبالغة في المدح.
- اشرحيله أهمية دوره: اتكلمي مع طفلك باستمرار عن أهمية دوره في البيت وأن لكل فرد في الأسرة دور ومسؤوليات
- واشرحي له مهامه ومسؤولياته واشكريه وعبري له عن انك مبسوطة انه عضو فعال في الأسرة.
- اسمحيله بحرية الاختيار : عززي من ثقة طفلك في نفسه عن طريق يبدأ ياخد قرارات خاصة بيه بنفسه
- مثلا اسمحيله يختار يشتري ايه من الهدوم الي يحبها وكمان اسأليه عن الاكل الي نفسه ياكله واسمحيله بالنقاش والمشاركة في بعض القرارات المنزلية زي اختيار مكان السفر في الإجازة، ومكان الخروج اجازة الاسبوع.
- اسمحيله بمساحة من الحرية: اسمحي لطفلك يكتشف البيئة المحيطة بيه والمشاركة في أنشطة تفاعلية واجتماعية مختلفة، زي المعسكرات الصيف والأعمال التطوعية، لانها هتنمي روح المشاركة والمسؤولية وهتأثر في شخصيته بشكل إيجابي.
- علميه قيمة إنجاز الأعمال بدون انتظار مقابل: اتجنبي انك تحفزي طفلك باستخدام المكافأت المادية والحلويات وعلميه قيمة الإنجاز واشرحيله أهمية كل حاجه بيعملها عشان يكون الدافع لانجاز المهمات هو ادراكه لقيمتها مش انتظار المكافأة الي هتقدميها
- كوني قدوة طفلك : أنت القدوة الأولى والمثل الأعلى لطفلك فحاولي دايما تزرعي فيه روح المسؤولية وكلميه عن نفسك وعرفيه انك بتنجزي مهماتك ومسؤولياتك.
- وشجعيه هو كمان ينجز مهماته واستخدمي كلمات “لو سمحت” و”شكرًا” عشان يستخدمها هو كمان.
وأخيرا مفتاحك لتعليم الطفل الاعتماد على نفسه هو انه يجرب ويغلط ويتعلم، مع تقديم الدعم المعنوي وتعزيز ثقته في نفسه، عشان يكون طفل مسؤول بشكل حقيقي
اقري عن : ازاي توازني بين شغلك وبيتك
