هدف اللعبة :

مع كل راوند تخلص من الكروت الثقيلة لحد ما يبقى معاك اقل سكور يخليك تقول سكرو ، كمل لحد ما باقي اللاعبين يلعبوا آخر لعبة ليهم وبتكشف الورق وصاحب اقل سكور بيكسب

طريقة اللعب :

كل لاعب بيبدأ معاه 4 كروت وبيكون مسموحله يشوف كارتين بس من اول الجيم ومينفعش يغير مكان اي كارت منهم

كروت الكوماندوز عشان تتفعل لازم تكون مسحوبة من الورق لكن لو من ضمن ورقك المقلوب فلازم تخلص منها لان قيمتها بتبقى 10

أنواع الكروت :

• كروت الارقام من 0 ل 10
• كروت الكوماندوز :

1. ارقام 7 و8 بتخليك تشوف ورقة زيادة من ورقك
2. 9و 10 بتخليك تشوف ورقة زيادة من أحد اللعبين
3. خد وهات : بتخليك تبدل مع حد تاني من غير ما تبص في الكارت
4. كعب داير: بتخليك تشوف كارت عند كل لاعب بما فيهم انت
5. خد بس: هتلبس واحد من اللي بيلعبوا كارت من عندك ومش هتاخد كارت قصاده
6. بصرة: اللي بيخليك تتخلص من كارت من كروتك
7. الحرامي : بالكارت ده هتقدر تسرق سكور اللاعيب اللي هيقول سكرو وتلبسه الاسكور بتاعك، الكارت ده ب 10 نقط لوحده فلو سحبته هتخليه معاك ومفيش حد يعرف انه معاك

• كروت خاصة لازم تاخد بالك منها :

1. +20: كارت كارثي، لازم تتخلص منه بسرعة
2. -1: كارت ذهبي، يخفض نقاطك – احتفظ بيه!
3. سكرو أحمر: +20 نقطة
4. سكرو درايفر: 0 نقطة (كنز حقيقي!)

مكونات اللعبة :

• اللعبة مكونة من 68 كارت ارقام عادية وكروت كوماندوز وكروت الأحكام
• مقاس العلبة : 6.5*9.5 سم تقريباً
• مقاس الكارت الواحد :6*9 سم تقريباً
• اللعبة يلعبها من 2 ل 4 لاعبين
• مناسبة للأطفال من سن 8 سنوات وللكبار كمان