ازاي تعلمي طفلك الكتابة منغير ورقة وقلم

طريقة تعليم طفلك الكتابة بطريقة ممتعة

طول ما تعليم الكتابة مفهوش لعب، طفلك هيحس انه ممل ومتعب! تعالي أقولك ازاي من خلال مساطر تدريبات الحروف عربي هتعلمي طفلك يكتب الحروف وينمي مهاراته بطريقة مسلية وكمان يحفظها عن طريق اللعب وكأنه مش بيذاكر.

مخ طفلك بيستوعب أكتر لما يستقبل المعلومة بأكثر من حاسة زي الأكل: ممكن يتعرف على الحلو والحادق بسهولة وأسماء الأكل لأنه مرتبط معاه بحاسة التذوق وبكده يفتكر الأسماء بسهولة وبشكل تلقائي.

يعني لو خلينا حواس الطفل تشتغل بنفس الطريقة أثناء التعلم، هيكون تسلسل الحروف وكتابتها شئ تلقائي بدون تفكير: يشوف الحرف (حاسة الرؤية)، ويكتب الحرف ويمسكه (حاسة اللمس)، ويسمع الحرف وينطقه (حاسة السمع).

1. ازاي تعرفي الطفل على شكل الحروف

1. ابدئي بتحفيز حواس الرؤية واللمس.
2. خلي الطفل يفرغ الحرف ويمشي بأصبعه على الحرف.
3. يكرر نطق اسم الحرف عشان عقله يربط بين شكل الحرف واسمه.
4. بعد ما يطبق النشاط على كل الحروف، هيقدر يتذكر ازاي كان بيمشي إيده على الحرف.

2. تعليم الكتابة

1. اعتمدي على طريقة تثبيت شكل الحرف في ذاكرة الطفل وتحفيز حواس الرؤية واللمس.
2. يبدأ الطفل يثبت الحرف على الورقة ويحرك القلم جواها، وهيبقى رسم الحرف.
3. الطريقة دي هتزود تركيزه وتقوي عضلات يده وهو بيتحكم بالقلم.

3. تعلم تسلسل الحروف

1. خلي الطفل يلعب بالحروف زي بازل الفك والتركيب، وننشط حواسه (رؤية، لمس، سمع).
2. قولي له 5 حروف بالترتيب (أ ب ت ث ج) ويكررها أكثر من مرة.
3. بعدها خلي نفس الحروف بشكل عشوائي بدون نطقها، ويطلب منه يحاول يفتكر ترتيبها.
4. يركب كل حرف حسب الترتيب، وكل ما يرتب صح، زودي عدد الحروف تدريجيًا.
5. بكده هيحفظ الحروف كلها أثناء اللعب وكمان ينشط ذاكرته وتركيزه.

بعد الأنشطة دي هيكون شكل الحرف واسمه وترتيبه وسط الحروف شئ تلقائي لطفلك، وهيبقى تعليم الحروف لعبته المفضلة.