ازاي كأم توازني بين شغلك وبيتك وأولادك
كتير من الأمهات بيواجهوا صعوبة في محاولة الموازنة بين مسؤوليات الشغل ومسؤوليات البيت، وده ممكن يسبب ضغوط نفسية زي الاكتئاب والقلق. النهارده هتتعرفي على استراتيجيات تحسن من صحتك النفسية وتحقق التوازن بين الشغل وبيتك.
ليه التوازن بين الأمومة والشغل أمر مهم؟
الأبحاث أثبتت أن الأمهات العاملات أكتر عرضة للقلق والاكتئاب مقارنة بالأمهات ربات المنزل. لكن لما الأم بتنجح في إدارة حياتها المهنية ورعاية مسؤوليات البيت، بتتطور قدرتها على المرونة والتكيف، وده بيخلق بيئة إيجابية للطفل، وبيتعلم منها الاتقان وتحمل المسؤولية.
ليه التوازن بين شغلك وبيتك بدون ضغوط مهم؟
عشان تحصلي على صحة جسدية ونفسية أفضل. الإفراط في العمل لساعات طويلة بيأثر على صحتك النفسية والجسدية، وبيزيد من خطر مشاكل القلب، ضعف النوم، الاكتئاب، وضعف الذاكرة. التوازن بيحميكي ويضمنلك الطاقة اللازمة لكل مهامك اليومية.
المساعدة على الحفاظ على حضور عقلك
لو حسيتي دايما وقت الشغل عقلك بيفكر في رعاية طفلك أو قلقانة من أمور البيت، ده دليل على خلل في التوازن بين شغلك وحياتك الشخصية. لما تحققي التوازن الصحيح، بتقدري تركزي على اللحظة الحالية.
نصايح لتحقيق التوازن بين الأمومة والعمل
- اهتمي بنفسك أولاً: قبل ما تدعمي غيرك، اهتمي بنفسك بفترات راحة يومية، أكلك صحي، ونوم كافي.
- حافظي على الروتين: الروتين يساعدك تكوني منظمة ويعطي أطفالك إحساس بالأمان. حددي جدول يومي للمهام، وقت مع الأسرة، ووقت شخصي.
- كوني مرنة: الحياة مليانة أحداث غير متوقعة، فخليكي مستعدة للتعديل على خططك حسب الظروف.
- حافظي على الفصل بين العمل والمنزل: بعد الشغل، افصلي بين مشاكل العمل والبيت، عشان ما تضغطيش على نفسك ولا على أسرتك.
- خصصي وقت للأنشطة العائلية: استغلي أوقات الفراغ والعطلات في أنشطة ممتعة مع أطفالك لخلق بيئة صحية لهم.
- اطلبي المساعدة: متتردديش في طلب الدعم سواء من زوجك، أسرتك، أو أصدقاءك لتسهيل التوازن بين العمل والحياة.
اقري عن: ازاي تحتوي طفلك العصبي
